Connect with us

ٹیکنالوجی

واٹس ایپ سے بھی اب فیس بک پیسے لینے کے لئے تیار

Published

on

چار سال قبل واٹس ایپ کو فیس بک نے 22 ارب ڈالرز کے عوض خریدا تھا اور اب وہ اس سے پیسے کمانے کے لیے تیار ہے۔

فیس بک نے ایسے مزید ذرائع دریافت کرلیے ہیں جن کی مدد سے وہ واٹس ایپ سے بھی پیسے کما سکے گی۔

اس مقصد کے لیے واٹس ایپ نے ایسے فیچرز متعارف کرائے ہیں جو کہ کمپنیوں کو اپنے صارفین سے رابطے میں مدد دیں گے اور اس کے بدلے میں وہ فیس بک کو فیس دیں گی۔

اگرچہ واٹس ایپ میں صارفین کو اشتہارات کا سامان تو نہیں ہوگا مگر کاروباری اداروں کے لیے اس پلیٹ فارم میں واٹس ایپ بزنس کے نام سے نئے فیچرز متعارف کرائے گئے ہیں۔

کمپنیاں اب اپنی ویب سائٹس پر واٹس ایپ چیٹ کے ایک لنک کا اضافہ کرسکیں گی یا فیس بک کو ادائیگی کرکے کسی اشتہار میں چیٹ کو پروموٹ کرسکیں گی۔

کمپنیاں واٹس ایپ کے چیٹ فیچر کو مفت بھی استعمال کرسکیں گی مگر اس کے لیے انہیں صارفین کے پیغامات کا جواب 24 گھنٹے کے اندر دینا ہوگا، دوسری صورت میں انہیں واٹس ایپ کو فیس ادا کرنا پڑے گی۔

واٹس ایپ کے ایک ترجمان کے مطابق یہ فیس ہر ملک کے لحاظ سے مختلف ہوگی جو کہ نصف سینٹ سے لے کر 9 سینٹ فی میسج تک ہوسکتی ہے۔

فیس بک کا یہ اقدام اپنی ایپس کی مدد سے پیسے کمانے کا نیا ذریعہ ہے، اس سے پہلے وہ میسنجر اور انسٹاگرام سے پہلے ہی اشتہارات کی مد میں کما رہی ہے اور اب واٹس ایپ کا اضافہ بھی ہونے والا ہے۔

گزشتہ دنوں دوسری سہ ماہی رپورٹ کے دوران فیس بک نے اپنی سائٹ پر ریونیو کی شرح نمو میں کمی آنے کا عندیہ ظاہر کیا تھا۔

مگر اس کمپنی کے پاس اپنی دیگر ایپس بشمول واٹس ایپ کی مدد سے آمدنی کو بڑھانے کا آپشن موجود ہے۔

واٹس ایپ بزنس چیٹ سے یہ کمپنی کاروباری اداروں کو مزید اشتہارات کے لیے دلچسپی لینے پر مجبور کرنے کی خواہش رکھتی ہے، جبکہ کسٹمر سروس میسجز کی مد سے مزید آمدنی ہوگی۔

Continue Reading
Click to comment

Leave a Reply

Your email address will not be published. Required fields are marked *

مقبول خبریں

Copyright © 2018. All Rights Reserved Daily Pakistan