Connect with us

انٹرٹینمنٹ

سہانا خان کی ووگ میگزین میں انٹری

Published

on

سہانا خان کی ووگ میگزین میں انٹری

فیشن انڈسٹری میں بولی وڈ کنگ خان شاہ رخ کی بیٹی سہانا  خان نے قدم  رکھ لیا۔

18 سالہ سہانا خان کا پہلا فیشن فوٹو شوٹ ووگ میگزین پر شائع ہوا، جس کی تصاویر بھی سوشل میڈیا پر وائرل ہورہی ہیں۔

سہانا کے والد شاہ رخ خان اور والدہ گوری خان نے بھی ان کے فوٹو شوٹ کی تصاویر سوشل میڈیا پر شیئر کی۔

ان دونوں نے سہانا کے پہلے شوٹ کے لیے ووگ میگزین کا شکریہ بھی ادا کیا۔

ووگ نے اپنے فیس بک پیج پر سہانا کے فوٹو شوٹ کے دوران ان کے انٹرویو کی ایک ویڈیو بھی شیئر کی، جس میں سہانا نے بتایا کہ لوگوں کو ان کے بارے میں وقت گزرنے کے ساتھ زیادہ معلوم ہوگا۔

یاد رہے کہ سہانا سے قبل آنجھانی اداکارہ سری دیوی کی بیٹی جھانوی کپور نے بھی ووگ میگزین پر اپنے فوٹو شوٹ کے ساتھ ڈیبیو کیا۔

جھانوی کے فوٹو شوٹ کی بھی سوشل میڈیا پر خوب پذیرائی ہوئے۔

اس کے علاوہ جھانوی کپور حال ہی میں منعقد ہوئے ووگ بیوٹی ایوارڈز میں بھی شریک ہوئیں۔

اس دوران انہوں نے میڈیا سے بات کرتے ہوئے اپنے اسٹائل پر بات کی۔

یاد رہے کہ جھانوی نے رواں سال اپنی فلم ’دھڑک‘ کے ساتھ بولی وڈ میں ڈیبیو کیا، ان کی اداکاری کو تجزیہ کاروں اور شائقین دونوں کا اچھا ردعمل موصول ہوا۔

دوسری جانب سہانا خان کے بولی وڈ میں ڈیبیو سے متعلق ابھی کسی فلم کا نام سامنے نہیں آیا، البتہ ہدایت کار کرن جوہر کئی مرتبہ اپنے انٹرویوز میں بتاچکے ہیں کہ وہ اپنے قریبی دوست شاہ رخ کے بچوں کو سب سے پہلے اپنی فلم میں کاسٹ کریں گے۔

Continue Reading
Click to comment

Leave a Reply

Your email address will not be published. Required fields are marked *

مقبول خبریں

Copyright © 2018. All Rights Reserved Daily Pakistan